«Келешек мектептері» жобасы аясында мұғалімдеріміз үшін «Jas Leader тәжірибесі арқылы көшбасшылық пен soft skills дағдыларын дамыту» тақырыбында тренинг ұйымдастырылды. Шараның жетекшісі ретінде «Өрлеу» Білім беру жүйесінің біліктілігін арттыру ұлттық орталығы Ақтөбе облысы бойынша кәсіби даму институтының бөлім меңгерушісі Бухарбаев Болат Қайроллаұлы өз тәжірибесімен бөлісіп, қатысушыларға көшбасшылық қасиеттерін дамыту және жұмсақ дағдыларды жетілдіру бағытында бағалы кеңестер ұсынды.
🎯 Семинардың мақсаты:
Көшбасшылық дағдыларын дамыту.
Soft skills (жұмсақ дағдылар) арқылы тиімді коммуникация мен ұжымдық жұмыс қабілеттерін жетілдіру.
Мұғалімдерге жаңа білім мен мотивация беріп, олардың кәсіби дамуын қолдау.
Бұл шара мектеп ұжымының көшбасшылық қасиеттерін арттыру және білім беру сапасын жетілдіруге бағытталған маңызды қадам болып табылады. Алдағы уақытта осындай іс-шаралар білім саласындағы өзгерістер мен инновацияларға жауапты болуға көмектеседі.
